Fire Camp

Author: Ishan deshpande

Ye kissa hai mere school time ka, jab mai aur mere kuch dost exams aur project work se bohot thak chuke the hum sabko eak long break ki jarurat thi. wese toh vacations shuru the par bohot boring chal rahe the , tabhi mere eak dost ne hamare whats aap grp pe eak idea share kiya ki kyu na hamara poora grp fire camping pe jae. sabhi ne khush hokar confirmation diya sabke sab aane tayar the. humne location fix kiya jo ki sheher se laghbagh 20km dur tha asal mai wo mere friend ke bhi friend ka farm tha par mene ghar pe bolte time bola tha ki wo mere best friend ka hi farm hai aur waha uske dad bhi hamare sath rahenge , halaki ye jhoot tha par bolna pada par pata nahi tha ki iski kimat muze chukani padni wali thi. hum sab dusre hi din meri gadi mai shamke 6-6:30 ke time pe nikal gaye, high volume pe music, sabka shor sharaba mohol bohoht hi masti bhara tha. hum abb lagbbagh pohoch chuke the par abhi bhi 5-6 km ka safar baki tha aur rasta kafi sunsan tha, iss poore shoor ke bich meri nazar achanak road ke side pe gayi jaha eak budhi aurat khadi thi charo aur andhera tha dur dur tak koi nahi tha aur ese mohol mai wo aurat akele hi khadi thi aur hamare gadi ko eak nazar ghure jaa rahi thi . muze ajeeb laga par mere baki kisi dosto ka dhyan waha nahi tha sab masti mai busy the. thodi hi der mai hum farm pohoch gaye . farm mai eak jagha eak ped ke niche eak tourch light jalake hum sab baith gaye, waha pehle se hi kuch sukhi lakdiya rakhi hui thi fire camping ke liye , wo intezam farm ki dekhbhal karne wali eak aurat ne kiya tha esa sunne mai aya. humne aag jalai. hasi mazak shuru tha, tabhi achanak eak awaz hui aur mera dhyan gaya toh wohi budhi aurat jisko sadak pe dekha tha wohi mere samne aake ruki thi muze bohot dar laga tabhi mere eak dostne pichese kaha are mausi aap aa gai , theek hai eak kaam kijiye jaake kuch khane ka intaz kijiye. mene usse pucha ye aurat kon hai usne bola yahi farm ki caretaker hai, tab mene usko bola ki ye aurat muze 5-6 km ki dure pe dikhi thi aur hame yaha aake sirf 15 min hue hai ye aurat itni budhi reh kar itna kese jaldi pochi ? uspar usne mera hi mazak udaya aur meri baate seriously nahi li. hum sab wapas fire camping mai busy hue tabhi achanak muze eak awaz suanai di kafi ajeeb thi. mere eak dost ne bhi wo awaz suni, baki dost toh eak dusre ka mazak uadane mai wyast the par hum dono ne awaz ki aur jaake dekhne ka faisla kiya, awaz zaadi ke piche se aa rahi thi humne zadi hatakr dekha toh wo budhi aurat kuch toh khaa rahi thi aur kankad pathhar chabane jesi awaz aa rahi thi, tabhi uss aurat ne hamare aur dekha toh uski aakhe lal thi aur baal bikhre hue the , mai aur mera dost waha se bhaag khade hue aur hamare group ke pass aake hamne sari hakikat bata di par hamare sath hua bilkul ulta waha maujud sabhi ne hasna chalu kiya sabhi ki hasi dekh mene ghusse mai pucha ismai hasne jesi kya baat hai? fir unn sabhi ne bola jiss budhi aurat ki baat kar rahe ho wo abhi 2 min pehle aake hamae sabko khana paros kar gai hai tum log faltu ka prank karna band karo aur garma garam khane ka maza uthao. mai aur mera wo dost hum dono bhi shock the ki ye aurat eak time pe do jgha kese aai . humari bhuk jese maar hi gai thi. sabka khana hua sab logone cards khelneka decide kiya. hum sab log cards khel rahe the tabhi mere eak dost ko uske gharse call tha wo call receive karne side mai gaya . tabhi wo achanak jaha gaya tha wahase chillate hue wapas bhaag kar aya hum sab uski awaz sunkar aur condition dekh kar dar gaye humne usse pucha kya hua dar kyu gaye ho kya dekha tumne tabhi usne kaha ki wo budhi caretaker aurat eak ped se ulta latki hui hai aur uske muuse khoon tapak raha tha. ye sunkar aur uski wo halat dekh kar hamare raungte khade hue the. himmat karke hum sabhi ne pedo ke piche jaakar dekha toh waha 1 nahi 2 nahi balki 3 budhi aurte eak ke baad eak line mai ped ki tehni se latki hui thi jo dihkne mai bilkul hubahu eak jesi thi. hum sab dargaye aur humne bhagte bhgate car ke pass jakar car start ki aur full speed se drive karte karte uss jagha se dur city ki aur aa gaye. ye ghatna dil aur dimag mai ghar kar ke bethi thi. pata nahi wo budhi aurate kon thi koi bhoot, chudel ya vampire ?

Author: Ishan deshpande